Heading

Heading

Author
Heading
This is some text inside of a div block.
Learn more
This is some text inside of a div block.

What’s a Rich Text element?

The rich text element allows you to create and format headings, paragraphs, blockquotes, images, and video all in one place instead of having to add and format them individually. Just double-click and easily create content.

Static and dynamic content editing

A rich text element can be used with static or dynamic content. For static content, just drop it into any page and begin editing. For dynamic content, add a rich text field to any collection and then connect a rich text element to that field in the settings panel. Voila!

How to customize formatting for each rich text

Headings, paragraphs, blockquotes, figures, images, and figure captions can all be styled after a class is added to the rich text element using the "When inside of" nested selector system.

No items found.

Wasla Partner Solutions

We offer unique solutions to help you understand, find, convert, and reward your customers!

Our Services Include Affiliate Marketing, Surveys & Insights, Advertising, and Loyalty Services.
Contact us
مش أي حد يبقى جرافيك ديزاينر.. 7 أسرار عن الشغلانة لازم تعرفهم

مش أي حد يبقى جرافيك ديزاينر.. 7 أسرار عن الشغلانة لازم تعرفهم

معروف إن التصميم فن مش عن عن، وصعب أي حد يبقى جرافيك ديزاينر بسهولة، الشغلانة دي لها أصول.

لو تلاحظ الفترة الأخيرة، بدأ الطلب يزيد على الجرافيك ديزاينرز، في العالم كله، وده علشان عددهم قليل جدًا.

بس متفكرش برضه إنك لما تفتح الفوتوشوب، وتعمل ديزاين بسيط، إنك بقيت بيكاسو العصر الحديث!.. لأ، فيه أسرار لازم تعرفها عن الشغلانة قبل ما تبدأ، علشان تبقى فنااان بجد.

1- اكتشف الفنان اللي جواك (هات ريشتك هات ألوانك)

الموهبة أساس كل حاجة فيها إبداع، بس فيه ناس ممكن شغفها يخليها تعمل مجهود يوصلها لحلمها.

لو عاوز تدخل مجال الجرافيك ديزاين، مهم تجرب بإيدك الأول، عشان تعرف مستوى الموهبة عندك واصل لفين.

كمان علشان تعرف شغفك هيساعدك تصبر ولا لأ... ده مشوار طويل، ولازم يكون فيه حاجة بتحفزك تكمل.

2- لازم تعرف أهم الأدوات

علشان تعمل ديزاين، هتحتاج تشتغل على أكتر من برنامج، مش "فوتوشوب" بس لأ!

على سبيل المثال لا الحصر، هتشتغل على: (Adobe Photoshop، وAdobe Illustrator وAdobe InDesign).. فيه تاني بس دول أهم 3.

كل برنامج من دول، له أدواته، وبالتأكيد مش شبه بعض، ولازم تاخد فكرة عنهم على الأقل قبل ما تبدأ تشتغل.

لازم تعرف إن الأدوات متغيرة، ولازم طول الوقت تكون بتطور من نفسك، وبتعرف الجديد أول بأول في الشغلانة من حيث الأوات (Tools).

3- السرقة حرام.. اكتفي بالاقتباس (تفرق)

أكيد شوفت ديزاين في مرة، وانت في البداية كده، وعجبك وقولت الله، ده زي بالظبط اللي شوفته مش عارف فين.

بص أول ما تقول كلمة "زي" على تصميم، اعرف إن اللي عمله احتمال كبير يكون حرامي، ومش بس كده، ده فاشل كمان.

رجالة الفوتوشوب، أو المصممين بمعنى أصح، عندهم عرف متفق عليه، إن سرق التصميمات "حرام"، والسرقة في المطلق حرام.

لكن اللي مش حرام إنك تقتبس من تصميم، وتطوره بحيث يطلع تصميم تاني خالص، أجمد منه 100 مرة.

عارف كل الناس الجامدة على مستوى العالم، ومنذ بداية الخليقة، كانوا بيعملوا كده.

الاقتباس والتطوير، ميقللش منك خالص، بالعكس هيخليك مبدع أكتر مع مرور الوقت.

4- السيرش مهم.. وصلة هيساعدك تبقى بيكاسو بجد

متصفح وصلة، بيبدأ رحلة جديدة مع مستخدميه، وناوي يبقى شريك في نجاحهم.

استخدم وصلة، واوصل لكل اللي بتدور عليه في مجالك، واتعلم، واجتهد، لحد ما تبقى نسخة تانية منك.

نسخة أنجح، ومعدية كل الناس، وده كله بدوسة سحرية جوة الأبلكيشن.

كمان أي كورسات أونلاين هتدخلها من على وصلة، هتاخد عليها خصومات جامدة جدًااا.

فـ نزّل وصلة دلوقتي وابدأ رحلة نجاح جديدة في حياتك.. وفي انتظار بيكاسو العصر الحديث.

5- عرفت انت عاوز ايه؟.. دور على كورسات تفيدك

أكيد بعد السيرش والتجارب، وكل الكلام الجميل ده، وصلت لحاجة.. حددت إنت ناقصك إيه وهتبدأ منين!.

دلوقتي ممكن تدخل تدور على كورسات أونلاين على موقع udemy... وعامل خصومات بتوصل لـ 20%.. غير خصم وصلة.

وتعتبر أهم الكورسات عليه في مجال الجرافيك ديزاين:

  • أساسيات الجرافيك ديزاين، لو انت لسة مبتدئ.. سجل فيه من هنا.
  • بتحط رجلك في طريق الإعلانات والبراندينج والذي منه.. فيه كورس هيقولك تعمل ايه بالظبط.. سجل هنا.
  • انت حد جامد وبقيت تعرف تركب عضلات على جسمك؟.. ممكن تسجل بقى في الكورس المتقدم من هنا.
  • لو محتاج تفهم أكتر عن تصميم اللوجو، والإنفوجراف والعظمة دي.. سجل هنا.

6- اختلط بمجتمع الفنانين

السر المهم، علشان تنجح في أي شغلانة، هو إنك تختلط بالمجتمع بتاعها، وتعمل شبكة علاقات منه.

غالبًا لو انت فنان بجد هيكون سهل عليك تدخل وسط مجتمع الفنانين، غالبًا دماغكم هتبقى شبه بعض.

المهم بقى إنك تحاول تستفيد من الناس اللي خبرتهم أكتر منك في المجتمع ده، وماتتحرجش!

جرب مع نفسك وخد آراء كل اللي حواليك، واسمع للنصايح وطوّر أول بأول.

ممكن برضه تلاقي فرصة تدريب، أو شغل على حسب خبرتك، وبكل سهولة، من دايرة العلاقات اللي هتكوّنها دي.

7- اشتغل على فكرة تصميم تقلب الدنيا.. بس انت كده بقيت نجم العالم

انت خلاص كده قفلت اللعبة، عملت كل حاجة، وبقيت محترف جدًاا؟

خلاص انت كده مستعد تقابل الوحش، شوية مغامرة كده مطلوبين علشان تعدي وتبقى بيكاسو "نجم العالم".

حاول تفكر في تصميم تطلع فيه كل اللي اتعلمته، وتظهر فيه كل فنك، ويكون مفهوم للعالم كله.

استغل كل وسائل التواصل الاجتماعي، وأي ملتقى للفنانين والمصممين على الإنترنت، وانشر شغلك الجامد ده بعد ما تخلص.

لو فعلا كنت عامل حاجة محصلتش هتتنقل نقلة تانية، وتبقى نجم العالم في الجرافيك ديزاين، ومش صعبة خالص على فكرة. 😉

Wasla
Wasla browser
June 9, 2021
Learn about the author