Heading

Heading

Author
Heading
This is some text inside of a div block.
Learn more
This is some text inside of a div block.

What’s a Rich Text element?

The rich text element allows you to create and format headings, paragraphs, blockquotes, images, and video all in one place instead of having to add and format them individually. Just double-click and easily create content.

Static and dynamic content editing

A rich text element can be used with static or dynamic content. For static content, just drop it into any page and begin editing. For dynamic content, add a rich text field to any collection and then connect a rich text element to that field in the settings panel. Voila!

How to customize formatting for each rich text

Headings, paragraphs, blockquotes, figures, images, and figure captions can all be styled after a class is added to the rich text element using the "When inside of" nested selector system.

No items found.

Wasla Partner Solutions

We offer unique solutions to help you understand, find, convert, and reward your customers!

Our Services Include Affiliate Marketing, Surveys & Insights, Advertising, and Loyalty Services.
Contact us
اعرفي إزاي تعملي حلويات رمضان في البيت بربع الثمن ووفري مع وصلة

اعرفي إزاي تعملي حلويات رمضان في البيت بربع الثمن ووفري مع وصلة

رمضان من غير حلويات، زي الموبايل من غير جيجات، اه حاجة كده ملهاش طعم، وبعد الفطار لازم نحلي بـ ألذ أطباق كنافة وقطايف، واختراعات كل سنة اللي بـ تبهرنا.

طبعًا كتير مننا بـ يكسل يعمل الحلويات في البيت، وبـ يشتروا أحسن من الأماكن الكبيرة والمضمونة، ده كله جميل، بس للأسف ده مش أحسن حل خصوصًا لو الميزانية مش مساعدة، لأن الأسعار بقت غالية جدًا.

جرّبي تصنعي الحلويات في البيت، ده هـ يساعدك توفري فلوس، وكمان تظبطيها زي ما تحبي.

مبدئيًا.. اشتري كل احتياجاتك من كارفور واستفيدي من الخصومات


لازم تكوني عارفة إنك لما تشتري أونلاين من كارفور، فـ انت بـ توفري على نفسك أكتر من حاجة.

 بـ توفري المجهود، عشان مش هـ تحتاجي تنزلي من البيت.

وكمان فلوس مواصلات وبنزين، وهـ تشتري الحاجة بـ أفضل سعر.

كمان لما تستخدمي بروموكود وصلة: "WIN46" هـ تقدري تستفيدي بـ خصم إضافي، وتوصيل مجاني على أي حاجة فوق الـ 300 جنيه.

كنافة "نولا" بالنوتيلا في البيت بـ100 جنيه بدل ما تشتريها بـ380 جنيه


تقريبًا لو فكرتي تشتري "تارت كنافة النوتيلا"، هـ تكلفك من 320 لـ 380 جنيه، في مقابل إنك لو عملتيها في البيت مش هـ تكلفك أكتر من 100 جنيه.. طيب إزاي؟

ورقة وقلم واكتبي المكونات دي:

بعد كده هـ نبدأ نحضرها، ودي الطريقة:

  • سخني الفرن على درجة حرارة 220، علشان الكنافة تخرج مقرمشة.

  • قصقصي عجينة الكنافة لحد ما تكون شبه الشعيرية القصيرة.

  • سيحي شوية زبدة وحطيهم على الكنافة.

  • صينية بقى 30 سم، وادهنيها كويس بالزبدة من كل الجوانب.

  • حطي الطبقة الأولى من الكنافة وافرديها كويس.

  • دخليها الفرن 10 دقايق تاخد وش وخرجيها.

  • أول ما تخرج هـ نضيف نوتيلا كتير فوق الطبقة الأولى اللي معانا، ونسيب شوية للي فوق.

  • هـ نغطي النوتيلا بـ الكنافة تاني، النص اللي متبقي معانا، وندخلها الفرن.

  • الطبقة التانية هـ تحتاج 10 دقايق تقريبًا، علشان تاخد لون ذهبي، بعد كده هـ تطلعيها وتحطي باقي النوتيلا، وأي فاكهة حابة تزيني بيها الطبق، وألف هنا.

تكلفة صينية الكنافة اللي اتعملت في البيت تقريبًا 94 جنيه، ممكن توصل 100 جنيه بالكتير أوي، بس مش هتعديها.

أم علي في البيت بـ120 جنيه بدل ما تشتريها بـ350 جنيه من "لابوار"!


لما سألنا على طبق "أم علي" اللي كلنا بـ نحبه، لقيناه بـ يتباع في المحلات في حدود الـ 300 جنيه!.. وفي لابوار أم علي باللوتس عاملة حوالي 350 جنيه.

مع إنه لو اتعملت في البيت، بـ شوية مكونات بسيطة ممكن نشتريها أونلاين، ممكن تكلفنا 120 جنيه بالكتير.

مكونات تحضير كريمة اللوتس لـ أم علي في المنزل:

  • 3/4 عبوة 125 جم بسكويت لوتس (22.45 جنيه)

  • 30 جرام زبدة (24.75 جنيه)

  • 3 ملاعق حليب كبيرة أو كوباية ونص (15.45 جنيه)

  • 15 جرام سكر (7.75 جنيه)

  • ملعقة صغيرة قرفة مطحونة (8.95 جنيه)

  • 2 ملعقة صغيرة عصير ليمون (3.98 جنيه)

مكونات تحضير أم علي في المنزل:

  • 500 جم عجينة فيلو "جلاش" (13.5 جنيه)

  • 4.25 كوب حليب

  • 100 جرام سكر

  • 250 جم كريمة خفق ثقيلة (22.5 جنيه)

  • عبوة 125 جم بسكويت لوتس بيسكوف

طريقة تحضير أم علي بكريمة اللوتس في البيت بـ أرخص سعر:

  • أول حاجة هـ نحتاج نسخن الفرن على 220 درجة، ونشغل الشواية علشان توزيع الحرارة.

  • في صينية مستطيلة، هـ نفرد سبريد اللوتس بتاعنا.

  • بعد كده هـ ننزل عليه بـ 400 جرام بس من عجينة الفيلو، وتترتب طبقات.

  • هـ نزود كريمة اللوتس على الفيلو.

  • في طبق جانبي، هـ نسخن حليب مع سكر لحد الغليان.

  • نضيف الحليب المغلي، على طبقات الفيلو واللوتس في الصينية.

  • نزود طبقات من عجينة الفيلو مرة تانية، فوق الحليب.

  • بعد كده نزود كريمة اللوتس على الوش، وندخل الصينية الفرن.

  • بعد 10 دقايق أو ربع ساعة، نخرج الصينية من الفرن، ورشي عليها علبة من بسكويت اللوتس الباقية، وبالهنا والشفا.

طبعًا دلوقتي انتي معاكي طبق أم علي ماحصلش، وبـ تكلفة 119 جنيه تقريبًا!

أرز باللبن والمكسرات بسعر خيالي بدل من 280 جنيه في "تورتينا"!


الرز باللبن ده طبق مفضل عند كل المصريين، وأظن "عم حسن" أكد لنا ده في مسلسل "القاهرة كابول" اللي بـ يتعرض في رمضان السنة دي.

بس عشان تشتري طبق رز باللبن بالمكسرات محترم، تاكله مع العيلة بعد الفطار، هـ يكلفك تقريبًا 280 جنيه لو اشتريته من "تورتينا".

في مقابل إنك ممكن تعمله في البيت بـ 100 جنيه أو أقل ويكفي وزيادة كمان.

مكونات طبق الأرز باللبن:

  • 1 لتر حليب كامل الدسم (15.45 جنيه)

  • 2 كوب أرز (5.45 جنيه)

  • نصف كوب سكر (7.75 جنيه)

  • 1 ملعقة صغيرة قرفة مطحونة (8.95 جنيه)

  • 1 ملعقة صغيرة نشاء ذرة (5.50 جنيه)

  • ملعقة صغيرة ملح (1.00 جنيه)

المكسرات المطلوبة:

  • 150 جرام لوز (20.94 جنيه)

  • 250 جرام سكر

  • 2 ملعقة كبيرة زبدة (24.75 جنيه)

  • 2 ملعقة صغيرة فانيليا (9.45 جنيه)

طريقة تحضير أرز باللبن بالمكسرات في المنزل:

  • في حلة كبيرة، هـ نحط السكر مع الحليب مع الملح والنشا، ونخلي النار متوسطة.

  • هـ نضيف الرز مع الغليان ونسيبه من 3 لـ 4 دقايق.

  • زودي القرفة على الخليط ده، وبعدين نزليه في صينية مستطيلة.

  • على جنب، قطعي اللوز بالسكين.

  • سخني السكر في مقلاة صغيرة، وضيفي الفانيليا والزبدة، واخلطيهم ببعض.

  • ضيفي اللوز لخليط الفانيليا والسكر، وبعدين وزعيهم على صينية الأرز باللبن.

  • قدميها بعد ما تبرد في الثلاجة، وبالهنا والشفا.

التكلفة النهائية لـ طبق الرز باللبن بالمكسرات اللي عملتيه في البيت، تقريبًا 99 جنيه، وممكن تبقي تضيفي أي اختراعات تانية من عندك.


Wasla
Wasla browser
April 27, 2021
Learn about the author